millardayo engagement report

Best tweets

• Aug 26, 20267.9x their median

  Halmashauri Kuu ya Chama cha Mapinduzi CCM iliyoketi leo chini ya Mwenyekiti wake Rais Dkt. Samia Suluhu Hassan imeadhimia kumfukuza uanachana aliyekuwa Makamu wa Rais Balozi Dkt. Emmanuel Nchimbi. Akiongea leo Katibu Mkuu wa CCM, Dkt. Asha Roze Migiro amesema ““Kamati Kuu imejadili kuhusu suala la nidhamu na maadili ambalo lilikuwa linamkabili Emmanuel Nchimbi, na baada ya kuzingatia taarifa zote zilizokuwepo ilithibitika kwamba katiba ya CCM na kanuni zake zilikiukwa, na hivyo Nchimbi amefukuzwa uanachama”

  93259962794K viewsView on X
• Aug 25, 20265.6x their median

  Makamu wa Rais wa Tanzania, Balozi Dkt. Emmanuel Nchimbi leo tarehe 25 Agosti 2026, amemuandikia barua Rais wa Jamhuri ya Muungano wa Tanzania, Dkt. Samia Suluhu Hassan kumjulisha kuwa ameamua kustaafu Siasa na Utumishi wa Umma hivyo atajiuzulu nafasi ya Makamu wa Rais wa Jamhuri ya Muungano wa Tanzania kwa kuzingatia Ibara ya 50(2)(c) ikisomwa kwa pamoja na Ibara ya 149(2) ya Katiba kuanzia tarehe 04 Septemba 2026. Kwenye barua yake Nchimbi ameeleza yafuatayo “Tarehe 27 Agosti 2025 nilimuahidi Mhe. Rais Dkt. Samia Suluhu Hassan kuwa nitamsaidia yeye na Nchi yetu kwa uwezo wangu wote na kwa uaminifu, pia nilimuhakikishia kuwa siku yoyote akiona anahitaji Makamu mwingine wa Rais nitaachia nafasi hii” “Nimejiridhisha pasipo shaka kuwa Mhe. Rais anatamani mabadiliko, hivyo nimeamua kutimiza ahadi yangu, kipekee namshukuru Mhe. Rais na Chama cha Mapinduzi (CCM) kwa imani yao kwangu, natumia nafasi hii pia kuwashukuru Watanzania wote kwa ushirikiano mkubwa mlionipa wakati wote niliokuwa katika utumishi wa umma, nawahakikishia kuwa nitaendelea kuwa Raia mwema wa Tanzania” @AyoTV_ na millardayo zimethibitishiwa na Ofisi ya Makamu wa Rais kuwa taarifa hiyo ni kweli na kwamba taarifa rasmi kuhusu uamuzi huu wa Dr. Nchimbi itatolewa hivi punde. #MillardAyoBREAKING

  68744501265K viewsView on X
• Aug 27, 20265.5x their median

  Wakili wa Mahakama Kuu, Ferdinand Makore amesema kwa mujibu wa Katiba, Balozi Dkt. Emmanuel Nchimbi bado ni Makamu wa Rais hadi Septemba 4, 2026 tarehe ambayo kujiuzulu kwake kunatarajiwa kuanza rasmi. Akizungumza na Ayo TV, Makore amesema kwa kuwa nafasi ya Makamu wa Rais bado haijawa wazi, iwapo jina la Deogratius Ndejembi litapelekwa Bungeni na kupigiwa kura kabla ya Septemba 4, kwa maoni yake mchakato huo utakuwa unakiuka Katiba. “Kitendo cha Rais kupitia chama chake kumpendekeza Ndejembi kama ni sahihi Kikatiba kwamba anaweza kupigiwa kura ya Bunge kabla ya Septemba 4, 2026, hii ni hoja ya msingi kwa sababu kama atapigiwa kura kabla ya tarehe 4, kwa maoni yangu kutatokea anguko la kikatiba,” amesema Makore. #MillardAyoUPDATES

  6873445873K viewsView on X
• Aug 12, 20265.1x their median

  Mchezaji wa soka raia wa Ureno anayekipiga Klabu ya Al-Nassr, Cristiano Ronaldo amemtumia ujumbe wa pole kwa Lionel Messi kufuatia kifo cha Baba yake mzazi. Ronaldo amemtumia pole Messi kupitia ujumbe mfupi aliouandika kwenye ukurasa wa Messi, akisema; “A huge hug to you and yours in these tough times, Leo, much strength.” Kwa Kiswahili: “Nakutumia kumbatio kubwa wewe pamoja na wapendwa wako katika kipindi hiki kigumu Leo, nakutakia nguvu na moyo wa subira.” Jorge Messi, ambaye ni Baba mzazi na aliyekuwa wakala wa Lionel Messi, alifariki Jumamosi, Agosti 8, 2026 akiwa na umri wa miaka 68 huko Rosario, Argentina baada ya kuugua kwa muda. Ujumbe huo wa Ronaldo umeonyesha upande mwingine wa uhusiano wa heshima uliopo kati ya Mastaa hao wawili, licha ya ushindani wao mkubwa wa kisoka kwa miaka mingi. #MillardAyoUPDATES

  71483152K viewsView on X
• Aug 17, 20264.3x their median

  Upande wa Jamhuri umefunga ushahidi wao kwa Shahidi wa 17 katika kesi ya uhaini inayomkabili Mwenyekiti wa CHADEMA, Tundu Lissu. Akizungumza leo Agosti 17, 2026 Mahakamani, Wakili wa Serikali Mkuu Nassor Katuga amesema msimamo huo umefikiwa baada ya Jamhuri kufanya tathmini ya kina ya ushahidi na hoja zote zilizowasilishwa katika kesi hiyo. Hata hivyo, Katuga ameomba Mahakama iruhusu Jamhuri kuwasilisha hoja za ziada kueleza sababu zinazowafanya waone Lissu ana kesi ya kujibu, ombi ambalo Lissu amepinga akieleza kuwa sheria tayari inaweka utaratibu unaopaswa kufuatwa katika hatua hiyo. Iwapo Mahakama itaamua kuwa Lissu ana kesi ya kujibu, atapewa nafasi ya kuanza kujitetea kwa kuwasilisha ushahidi na Mashahidi wake na endapo Mahakama itaamua kuwa hana kesi ya kujibu, kesi hiyo itafikia mwisho. Kesi hiyo inaendelea mbele ya jopo la Majaji watatu likiongozwa na Jaji Dastan Ndunguru. #MillardAyoUPDATES

  578199067K viewsView on X
• Aug 18, 20263.8x their median

  Mamlaka ya Hali ya Hewa Tanzania (TMA) imetoa angalizo kuhusu uwezekano wa kuwepo kwa mvua kubwa zinazohusishwa na hali ya hewa ya El Niño kuanzia Septemba na kuendelea hadi Oktoba, Novemba na Desemba 2026, huku athari zake zikitarajiwa kuendelea hadi mwanzoni mwa mwaka 2027. Akizungumza na Waandishi wa Habari leo Agosti 18, 2027 Mkurugenzi Mkuu wa TMA, Ladislaus Chang’a amesema uwepo wa El Niño yenye nguvu unaweza kusababisha vipindi vya mvua kubwa pamoja na kuanza mapema kwa mvua za msimu katika baadhi ya maeneo. Chang’a amezitaka Idara na Taasisi mbalimbali Nchini, ikiwemo Mamlaka za Bandari, reli, usafiri wa anga pamoja na Sekta ya Afya, kuchukua tahadhari na kujiandaa mapema kukabiliana na athari zinazoweza kujitokeza kutokana na mvua hizo. “Tunatoa maangalizo mawili la kwanza ni kutokana na uwepo wa El Nino yenye nguvu kubwa kuelekea Mwezi Oktoba, Novemba na Disemba na mwanzoni mwa 2027 vipindi vya mvua kubwa vinaweza kuanza Septemba pamoja na mvua za vuli, pia kuwepo kwa El Nino kunaweza kusababisha kuanza mapema kwa mvua za msimu,”. #MillardAyoUPDATES

  4911822640K viewsView on X
• Aug 22, 20263.8x their median

  Chama cha Wamiliki wa Mabasi Tanzania (TABOA) kimeomba kukutana na Waziri Mkuu wa Jamhuri ya Muungano wa Tanzania, Dkt. Mwigulu Nchemba ili kujadili changamoto zinazowakabili ikiwemo kuongeza gharama za nauli. Akizungumza Jijini Dar es salaam, leo Agosti 22, 2026 Katibu Mkuu wa TABOA, Priscus Joseph amesema Chama hicho kinaunga mkono maelekezo ya Mkuu wa Mkoa na kwamba Wanachama wake wameitikia kwa asilimia 100 kwa kuhamia Stendi ya Magufuli. “Tumemwomba Mheshimiwa Mkuu wa Mkoa zile changamoto zetu zifanyiwe kazi, hasa ada kubwa ya kupiga debe na Wamiliki wa tiketi zifanywe kazi, tukamwandikia barua tukutane, lakini bado hatujapata jibu.” Amesema utekelezaji wa agizo hilo umeibua pia gharama mpya kwa Wamiliki wa mabasi, hasa kutokana na ulazima wa kutumia shuttle kuwapeleka Abiria kutoka Stendi ya Magufuli kwenda maeneo mbalimbali ya Jiji pamoja na kutumia malori kwa ajili ya mizigo. #MillardAyoUPDATES

  4721242564K viewsView on X
• Aug 12, 20263.7x their median

  Watengeneza maudhui kutoka Uingereza, Em na Sam, wamekamilisha safari ya aina yake kutoka London hadi Nairobi, Kenya wakitumia gari kwa siku 222 na kusafiri umbali wa takribani kilomita 23,000. Safari hiyo ilianza Desemba 28, 2025 ambapo wawili hao walivuka kutoka Uingereza kwenda Ufaransa kwa feri kabla ya kuendelea na safari yao kupitia Hispania kuelekea Morocco. Wakiwa na gari aina ya Land Cruiser 76 lililobadilishwa kuwa camper, Em na Sam waliendelea kupitia Mauritania, Senegal, Gambia, Guinea na Côte d’Ivoire, kabla ya kuelekea Nigeria, Cameroon, Congo-Brazzaville na Jamhuri ya Kidemokrasia ya Congo. Kutoka huko waliendelea kusini kupitia Angola na Namibia, kisha Botswana na Zimbabwe kabla ya kufika Msumbiji ambapo safari yao iliendelea kuelekea Malawi na baadaye Tanzania, walikofika baada ya takribani siku 205 tangu kuondoka London. Baada ya kuvuka Tanzania, wawili hao waliingia Kenya na hatimaye kufika Nairobi baada ya siku 222 barabarani, wakikamilisha safari yao ndefu iliyohusisha kuvuka Nchi mbalimbali za Ulaya na Afrika. Ili kupunguza gharama za malazi, walibeba vifaa vya kuweka kambi na kulala ndani au karibu na gari lao aina ya Toyota Land Cruiser iliyoandaliwa kwa safari ndefu ikiwa na vifaa mbalimbali, ikiwemo sehemu ya kulala, jiko, sinki na choo. Safari ambayo kwa ndege ya moja kwa moja kutoka London hadi Nairobi huchukua takribani saa tisa, kwa Em na Sam imegeuka kuwa tukio la siku 222 lililowapitisha katika maelfu ya kilomita, Nchi mbalimbali na mazingira tofauti kabla ya kufika Nairobi. #MillardAyoUPDATES

  4852015271K viewsView on X
• Aug 31, 20263.3x their median

  Aliyekuwa Rais wa Venezuela, Nicolás Maduro ametuma ujumbe kutoka gerezani Nchini Marekani akisema, bado yuko imara huku akichapisha picha zake akiwa ndani ya gereza la Brooklyn, New York licha ya kwamba haruhusiwi kutumia intaneti. Katika ujumbe huo alioutuma Jumapili Agosti 30, 2026 kupitia mtandao wa X, Maduro amesema “picha hizo ni zawadi kwa Wajukuu zangu na Watu wanaoendelea kuniunga mkono, tunabaki kuwa imara, watulivu na wenye matumaini, Mungu yuko pamoja nasi, Venezuela itainuka tena,”. Maduro na Mke wake Flores walikamatwa Januari 3, 2026, Mjini Caracas, Venezuela kisha kusafirishwa hadi Marekani ambapo wanakabiliwa na mashtaka ya usafirishaji wa Dawa za Kulevya na makosa ya silaha. Aidha, ujumbe huo umefika wakati Venezuela ikiwa chini ya Uongozi wa Rais wa muda Delcy Rodríguez, ambaye hivi karibuni ametangaza makubaliano makubwa ya mafuta na Marekani ambapo yanaipa Marekani nafasi kubwa katika uendeshaji wa Sekta ya Mafuta ya Venezuela, huku Washington ikisema itadhibiti asilimia 55 ya ubia huo. #MillardAyoUPDATES

  45188043K viewsView on X
• Aug 26, 20263.2x their median

  Askari wawili wa Jeshi la Polisi ambao ni Izdory George Michael na Rehema Juma Magawa, wamefariki dunia baada ya kugongwa na gari aina ya Toyota Noah katika barabara kuu ya Dar es salaam - Morogoro kwenye eneo la Maili Moja, Kibaha Mkoani Pwani. Taarifa ya Kamanda wa Polisi Mkoa wa Pwani imeeleza kuwa ajali hiyo ilitokea jana Agosti 25, 2026 saa 1 usiku ikihusisha gari aina ya Toyota Noah lenye namba T 804 ERM lililokuwa likitokea Dar es salaam kuelekea Mlandizi ambapo lilipofika katika kivuko cha Watembea kwa miguu (zebra), lilipita magari mengine yaliyokuwa yamesimama kupisha Watu na kwenda kuwagonga Askari hao. Askari Izdory George Michael alifariki dunia katika eneo la ajali huku Askari Rehema Juma Magawa akijeruhiwa kichwani na kupelekwa Hospitali ya Rufaa ya Tumbi kwa matibabu ambako hata hivyo alifariki dunia asubuhi ya leo Agosti 26, 2026. Imeelezwa kuwa gari hilo lilikimbia baada ya ajali lakini baada ya msako kwa kushirikiana na Wananchi, lilikutwa likiwa limefichwa maeneo ya Kwa Mfipa. #MillardAyoUPDATES #PumzikenikwaamaniIzdorynaRehema

  3641466455K viewsView on X

Ranked by total interactions across everything we have tracked for this account, which is a longer history than the 30-day window the rates above use. The multiple compares each post to this account's own median.

Keep going